श्रीमङ्गलाध्यानम्

                            रचयिता
                  पं.श्रीव्रजकिशोरत्रिपाठी
                     ***************
(१)
विद्युद्दीप्तिविनन्दिता द्युमणिभा-दिव्यद्युतिद्योतिता
शङ्खाब्जादिकरा निशापतिधरा नित्या धराराधिता। 
वह्निब्रध्नशशीन्द्रिया भयहरा भक्तप्रमोदप्रदा 
पायात्पालनलालनादिचरिता विश्वाम्बिका मङ्गला॥
(२)
सिन्दूराशोभमानां दरकमलकरां रक्तवस्त्रां त्रिनेत्रां
मन्दाराभां सुवेशां सुललित लपनां मन्दहासां सुकेशाम्।
वन्द्यां वृन्दारकाणां दलितभयचयां सर्वदानन्दमूर्त्तिं
भक्ताह्लादैककेन्द्रां भव विभवभरां मङ्गलां त्वां नमामि॥
(३)
पादे नूपुरभूषितां कटितटे दिव्याम्बरालंकृतां
कण्ठे हारविलम्बितां मुखपटे कोट्यर्कभाशोभिताम्।
बाहौ केयूरराजितां भुजयुगे नानाविभूषान्वितां
वन्दे तां वरदायिनीं भगवतीं भाग्यप्रदां मङ्गलाम्॥
         
         इति व्यासकवि-ध्यानसम्राट्-   
             कविरश्मि-ज्ञानज्योतिः      
     पण्डितश्रीव्रजकिशोरत्रिपाठिविरचितं
            श्रीमङ्गलावन्दनं समाप्तम्।
                  -------०--------

Comments

Post a Comment

Popular posts from this blog

श्रीसूर्योपचारपूजा

Image
                    सूर्योपचारपूजा                    ************ (१. क) आवाहनम्  हे सूर्यनारायण लोकबन्धो                  हे रक्तरूप त्रिगुणभिव्यक्त !। रक्तप्रसूनैः सुरभिप्रपूर्णैः                  आवाहनं ते नितरां करोमि।। (ख) आसनम्  हे पद्मधारिन् जगतः सुरक्षिन्             प्रकाशकारिन् जनकामदायिन्!। दिव्यं विनन्द्यं सुरवृन्दकाम्यं                   सुखासनं घस्रपते ! गृहाण।। (ग) पादासनम्  प्रदीप्तकान्ते कमनीयमूर्त्ते !                    त्वत्पादशोभापरिवर्द्धनाय। विभिन्नकाष्ठै रचितं सुरम्यं                    पादासनं वस्त्रयुतं गृहाण।। (२) स्वागतम्  हे दिव्यमूर्त्ते जगदेकशक्ते     ...
Read more

पञ्चदेवताध्यानम्

                  श्रीपञ्चदेववन्दनम् ( १) विघ्नेश लम्बोदर वक्रतुण्ड                   शैलेन्द्रपुत्रीसुत हस्तिमुण्ड !। गणेश्वर ज्ञानगणाधिनाथ                निराश्रयं पाहि नमामि देव ! ।। (२) नारायण भक्तगणाधिवास                   वैकुण्ठवास प्रभुविश्वरूप ! । संसारसिन्धुक्षयकुम्भपुत्र                 निराश्रयं पाहि नमामि देव !।। (३) गौरीश सर्वेश्वर चन्द्रशीर्ष                     गङ्गेश शूलाहिधर महेश !। नगेशपुत्रीश्वर विश्वनाथ                निराश्रयं पाहि नमामि देव ! ।। (४) दिनेश दिव्यद्युतिशोभमान                   तमोनिहन्तर्ग्रहराजराज ! । विश्वस्य चक्षुः कुशलं ददान                निराश्रयं पाहि नमामि देव...
Read more

श्रीगणपतिषोडशोपचारपूजा

Image
                श्रीगणपतिषोडशोपचारपूजा                                प्रणेता                       व्रजकिशोरत्रिपाठी                       ************** (१. क) आवाहनम्  हेरम्ब लम्बोदर विघ्नराज                      हे पार्वतीपुत्र महेन्दुरेश!। आवाहनं ते कुसुमैः करोमि                पूजास्थलं देहि शुभं प्रविश्य।। (ख) आसनम् -: दिव्यासनं सुन्दरमूषचिह्नं                कुशैः पवित्रं कुसुमैः प्रपूर्णम्। आस्स्व प्रभो! संकलितं मयेदं           गणेश! विघ्नं मम खण्डय त्वम्।। (ग) पादासनम् -: पीठं महार्घं मृदुवस्तुयुक्तं             पुष्पैर्विकीर्णं विवुधातिकाम्यम् । स...
Read more