श्रीगणपतिपञ्चकम्

                            रचयिता
                  पं.श्रीव्रजकिशोरत्रिपाठी
                    ****************
(१)
गिरिसुतातनुजं गजमस्तकं
                  सकलपापहरं शुभदायकम्।
हरिहरादिसुपूजितविग्रहं
                 प्रजप मूढमते ! मृडपुत्रकम्।।
(२)
जडता छलता भवतापहर
                 बलबुद्धिसुदायक विघ्नहर ! ।
हरविष्णुपितामहपूज्यपद
                गणनाथ नमामि सुखं वितर।।
(३)
भवसुखदायक गणनायक
                भवदुःखशासक विघ्ननाशक।
भव सकलजनज्ञानदायक
              भवपुत्र नमामि गजमस्तक ! ।।
(४)
वनजारिवदन रम्यशरीर
                 वनजजातसेव्य मूषिकवर ! ।
वनपतिपतिज श्रीविघ्नेश्वर
               स्ववनं कुरु सदा कलुषहर ! ।।
(५)
प्रभाकरसुप्रभ तव कृपातः
                प्रभातु ज्ञानसहितोयं मे भावः।
प्रभाबलेन तेन मूर्खताहर
             व्रजो नमति रक्ष हे लम्बोदर ! ।।

         इति व्यासकवि-ध्यानसम्राट्-   
            कविरश्मि-ज्ञानज्योतिः      
         पण्डितश्रीव्रजकिशोरत्रिपाठिविरचितं
             श्रीगणपतिपञ्चकं समाप्तम्।
                     -------०---------

Comments

Post a Comment

Popular posts from this blog

श्रीसूर्योपचारपूजा

Image
                    सूर्योपचारपूजा                    ************ (१. क) आवाहनम्  हे सूर्यनारायण लोकबन्धो                  हे रक्तरूप त्रिगुणभिव्यक्त !। रक्तप्रसूनैः सुरभिप्रपूर्णैः                  आवाहनं ते नितरां करोमि।। (ख) आसनम्  हे पद्मधारिन् जगतः सुरक्षिन्             प्रकाशकारिन् जनकामदायिन्!। दिव्यं विनन्द्यं सुरवृन्दकाम्यं                   सुखासनं घस्रपते ! गृहाण।। (ग) पादासनम्  प्रदीप्तकान्ते कमनीयमूर्त्ते !                    त्वत्पादशोभापरिवर्द्धनाय। विभिन्नकाष्ठै रचितं सुरम्यं                    पादासनं वस्त्रयुतं गृहाण।। (२) स्वागतम्  हे दिव्यमूर्त्ते जगदेकशक्ते     ...
Read more

पञ्चदेवताध्यानम्

                  श्रीपञ्चदेववन्दनम् ( १) विघ्नेश लम्बोदर वक्रतुण्ड                   शैलेन्द्रपुत्रीसुत हस्तिमुण्ड !। गणेश्वर ज्ञानगणाधिनाथ                निराश्रयं पाहि नमामि देव ! ।। (२) नारायण भक्तगणाधिवास                   वैकुण्ठवास प्रभुविश्वरूप ! । संसारसिन्धुक्षयकुम्भपुत्र                 निराश्रयं पाहि नमामि देव !।। (३) गौरीश सर्वेश्वर चन्द्रशीर्ष                     गङ्गेश शूलाहिधर महेश !। नगेशपुत्रीश्वर विश्वनाथ                निराश्रयं पाहि नमामि देव ! ।। (४) दिनेश दिव्यद्युतिशोभमान                   तमोनिहन्तर्ग्रहराजराज ! । विश्वस्य चक्षुः कुशलं ददान                निराश्रयं पाहि नमामि देव...
Read more

श्रीगणपतिषोडशोपचारपूजा

Image
                श्रीगणपतिषोडशोपचारपूजा                                प्रणेता                       व्रजकिशोरत्रिपाठी                       ************** (१. क) आवाहनम्  हेरम्ब लम्बोदर विघ्नराज                      हे पार्वतीपुत्र महेन्दुरेश!। आवाहनं ते कुसुमैः करोमि                पूजास्थलं देहि शुभं प्रविश्य।। (ख) आसनम् -: दिव्यासनं सुन्दरमूषचिह्नं                कुशैः पवित्रं कुसुमैः प्रपूर्णम्। आस्स्व प्रभो! संकलितं मयेदं           गणेश! विघ्नं मम खण्डय त्वम्।। (ग) पादासनम् -: पीठं महार्घं मृदुवस्तुयुक्तं             पुष्पैर्विकीर्णं विवुधातिकाम्यम् । स...
Read more