श्रीकालिकाध्यानम्

                            रचयिता
                पं.श्रीव्रजकिशोरत्रिपाठी
               *********************
(१)
भिद्याद् दुःखभयं समग्रजगतो दद्याद् दयावारिधिं
छिद्याद् दुष्टधियं प्रसन्नमनसा विद्यात् सुभक्तस्थितिम्।
नद्याद् वाद्यवरं कुकर्महतये नन्द्याद् जनानां मनो
दिव्यात् पुत्रसुतासुखं सुकृपया
साव्यात् सदा कालिका।।
(२)
हृद्या वीरकला करालरसना वेद्यापि तस्याः कृतिः 
दद्या भक्तिततिर्हृदोनवरतं भेद्या कुधीः सर्वदा
पद्या तद्गुणपूरिता सुपदवी तोद्या तमस्कामना
नन्द्यानन्दरता विनिन्द्यवदना वन्द्या सदा कालिका।।
(३)
रामा श्यामासिकामा समररसरमा मारमारस्य वामा
धर्मध्यानाविरामा दनुजदरदमा दामिनीदामभीमा।
गीर्वाणत्राणवाणा रणरणचरणा वारणामित्रयाना
कालाकाला कराला कलयतु कुशलं कालिका कालबाला।।
(४) 
यस्याः शस्त्रचयेरिमारणकला हास्येस्ति रौद्री कला
जिह्वायां रिपुरक्तरञ्जनकला केशेषु भीतेः कला।
भक्तानां वरदानतारणकला हस्ते सुरक्षाकला
सर्वाङ्गे शमनी कलाऽवतु हि सा काली कराली सदा।।
(५)
पादे पद्मकला गतौ नटकला शीर्षे सुधांशोः कला
वाक्ये वीरकला मुखे रविकला युद्धे च हत्याकला।
क्रोधे ध्वंसकला स्वरे भयकला नेत्रेस्ति वह्नेः कला
देहे कालकला करे वरकला काली सदा पातु सा।।

        इति व्यासकवि-ध्यानसम्राट्-   
             कविरश्मि-ज्ञानज्योतिः      
   पण्डितश्रीव्रजकिशोरत्रिपाठिविरचितं
         श्रीकालिकाध्यानं समाप्तम्।
                 -------०--------

Comments

Post a Comment

Popular posts from this blog

श्रीसूर्योपचारपूजा

Image
                    सूर्योपचारपूजा                    ************ (१. क) आवाहनम्  हे सूर्यनारायण लोकबन्धो                  हे रक्तरूप त्रिगुणभिव्यक्त !। रक्तप्रसूनैः सुरभिप्रपूर्णैः                  आवाहनं ते नितरां करोमि।। (ख) आसनम्  हे पद्मधारिन् जगतः सुरक्षिन्             प्रकाशकारिन् जनकामदायिन्!। दिव्यं विनन्द्यं सुरवृन्दकाम्यं                   सुखासनं घस्रपते ! गृहाण।। (ग) पादासनम्  प्रदीप्तकान्ते कमनीयमूर्त्ते !                    त्वत्पादशोभापरिवर्द्धनाय। विभिन्नकाष्ठै रचितं सुरम्यं                    पादासनं वस्त्रयुतं गृहाण।। (२) स्वागतम्  हे दिव्यमूर्त्ते जगदेकशक्ते     ...
Read more

पञ्चदेवताध्यानम्

                  श्रीपञ्चदेववन्दनम् ( १) विघ्नेश लम्बोदर वक्रतुण्ड                   शैलेन्द्रपुत्रीसुत हस्तिमुण्ड !। गणेश्वर ज्ञानगणाधिनाथ                निराश्रयं पाहि नमामि देव ! ।। (२) नारायण भक्तगणाधिवास                   वैकुण्ठवास प्रभुविश्वरूप ! । संसारसिन्धुक्षयकुम्भपुत्र                 निराश्रयं पाहि नमामि देव !।। (३) गौरीश सर्वेश्वर चन्द्रशीर्ष                     गङ्गेश शूलाहिधर महेश !। नगेशपुत्रीश्वर विश्वनाथ                निराश्रयं पाहि नमामि देव ! ।। (४) दिनेश दिव्यद्युतिशोभमान                   तमोनिहन्तर्ग्रहराजराज ! । विश्वस्य चक्षुः कुशलं ददान                निराश्रयं पाहि नमामि देव...
Read more

श्रीगणपतिषोडशोपचारपूजा

Image
                श्रीगणपतिषोडशोपचारपूजा                                प्रणेता                       व्रजकिशोरत्रिपाठी                       ************** (१. क) आवाहनम्  हेरम्ब लम्बोदर विघ्नराज                      हे पार्वतीपुत्र महेन्दुरेश!। आवाहनं ते कुसुमैः करोमि                पूजास्थलं देहि शुभं प्रविश्य।। (ख) आसनम् -: दिव्यासनं सुन्दरमूषचिह्नं                कुशैः पवित्रं कुसुमैः प्रपूर्णम्। आस्स्व प्रभो! संकलितं मयेदं           गणेश! विघ्नं मम खण्डय त्वम्।। (ग) पादासनम् -: पीठं महार्घं मृदुवस्तुयुक्तं             पुष्पैर्विकीर्णं विवुधातिकाम्यम् । स...
Read more