Dhyanamala

                  श्रीविश्वकर्मोपचारपूजा                           रचयिता                पं. श्रीव्रजकिशोरत्रिपाठी                 ****************** (१. क) आवाहनम्  आवाहयामि प्रणिपत्य देव !                    गन्धेन पुष्पाणि नतिं प्रदाय। स्वीकृत्य कर्मप्रिय विश्वकर्मन् !                 पूजास्थले सन्निहितो भवात्र।। (ख) आसनम् सम्पादितं पुष्पमयं विशिष्टं                     दिव्यासनं सुन्दरपृष्ठयुक्तम्। कुशेन पूतं कृपया गृहाण                 निर्माणदेव ! प्रणमामि पाहि।। (ग) पदासनम् पादद्वयाभ्यां रुचिरं महार्घं                 सम्पादितं कोमलभव्यपीठम्। संस्थाप्य शिल्पिन्...

                    श्रीविश्वकर्मध्यानमाला।                                रचयिता                   पं.श्रीव्रजकिशोरत्रिपाठी (१) शिल्पानां जनकः समग्रजगतः प्रासादकर्त्तापि यो विशंवात्मा सुरलोकमर्त्त्यभुवनस्रष्टा महायान्त्रिक। यस्यांघ्रिं विबुधा भजन्ति सततं लब्धुं निवासस्थलीं पायान्मां भवतापतारणरतः श्रीविश्वकर्मा प्रभुः।। (२) विश्वब्रह्माण्डस्रष्टा सकलभयहरो यन्त्रशास्त्रविदग्धो देवानां कार्यकर्ता दिनकरसदृशो हंसराजाधिरूढः। शिल्पाचार्यः सुविद्यस्त्रिभुवनजनको ज्ञानविज्ञानदाता विश्वात्मा विश्वकर्मा विविधगुणयुतः पातु मां विश्वशिल्पी।। (३) शान्तः सौम्यकलेवरः कनकभो यज्ञोपवीतान्वितः शिष्टः कर्मपटुर्विलासरहितो नम्रो गुणैर्मण्डितः। देवाज्ञापरिपालको निरलसो हंसायनो बुद्धिमान् भक्त्या तं प्रणमामि कर्मकुशलं श्रीविश्वकर्मप्रभुम्।। (४) ब्रह्मा सुन्दरताकृतेऽस्य जगतो व्यस्तो यदाभवद् भृशं तत्कालं मुनिजो प्रभासतनयो जातो महाक...

                  श्रीकेतुमहाग्रहध्यानम्                           रचयिता                  प.श्रीव्रजकिशोरत्रिपाठी                    ***************** (१) शूद्रं जैमिनिगोत्रजं भयहरं धूम्राम्बरालंकृतं धूम्राङ्गं विकृताकृतिं ग्रहपतिं गृध्रासनं दुर्मतिम् । तारारिं मकरस्वरूपसदनं क्रूरं कुशद्वीपजं श्रीकेतुं प्रणमामि भीमवपुषं प्राप्तुं प्रतापं सदा ।‌ (२) धूम्राभं विकृताकृतिं मुनिसुतं क्रूरं कुशद्वीपजं शूद्रं रुद्रकलेवरं च कुटिलं धूम्रप्रसूनान्वितम्। कालाच्छादनभूषितं वरगदासंधारिणं गृध्रगं नत्वाहं नितरां प्रयामि शरणं केतुग्रहं भीतिदम्।। (३) पापात्मा बहुसंख्यकोतिविकृतो धूमप्रभः शूद्रजो ब्रह्मप्रत्यधिदैवतो मुनिभवो धूमावतीष्टेश्वरः। योश्लेषाभयुतश्च कर्कटभवः श्रीचित्रगुप्ताधिपो नत्वा तच्चरणारविन्दयुगलं प्रार्च्चामि केतुग्रहम्।। (४) आकाशप्रभवः कदा दिवि भवो भूमौ कदा सम्भवो धूम्रो धूम्रक...

                श्रीराहुमहाग्रहध्यानम्                          रचयिता               पं.श्रीव्रजकिशोरत्रिपाठी                ***************** (१) नीलाङ्गं मलयोद्भवं शशिरिपुं पैठीनसेर्गोत्रजं सिंहीजं मकरासनं नतमुखं नीलाम्बरैर्भूषितम् । चर्मासिप्रभृतिप्रशोभितकरं कृष्णप्रसूनप्रियं ‌श्रीराहुं प्रणमामि तं भयहरं दैत्यं महाभीषणम् ।। (२) चन्द्रादित्यरिपुर्विखण्डितवपुर्यः सिंहिकागर्भभूः सर्पप्रत्यधिदैवतो दनुकुली कालाधिदेवोजजः। यत्तारा भरणी यदिष्टविबुधा श्रीछिन्नमस्ताम्बिका नत्वा तच्चरणारविन्दयुगलं प्रार्च्चामि राहुग्रहम्।। (३) नीलस्तोमसमं विशालवपुषं श्रीसिंहिकायाः सुतं चाण्डालं मलयाचले विजनितं दुष्टं महानिष्ठुरम्। दन्तैर्घोरतमं करालवदनं संमर्दितेन्दूष्णगुं नत्वाहं नितरां प्रयामि शरणं राहुग्रहं भीषणम्।। (४) कृष्णः कृष्णमहांशुकस्य रसिकः कृष्णप्रभाभासितः सिंहस्यन्दनमण्डतोऽसुरसुतो यः सिंहिकानन्दनः। चण्डालस्य क...

                        रचयिता               पं.श्रीव्रजकिशोरत्रिपाठी               ****************** (१) खड्गाकारगृहाधिपं ग्रहपतिं सौराष्ट्रराष्ट्रोद्भवं कृष्णाभं कमनीयरूपमतुलं कृष्णाम्बरं शूद्रजम् । कृष्णद्रव्यसमन्वितं निजकरैः शूलादिशस्त्रोज्ज्वलं श्रीसौरिं प्रणमामि तं कुगमनं गृध्रासनं काश्यपम् ।। (२) मन्दाटो रविनन्दनो वृषभवश्छायात्मजः काश्यपः श्रीकालीष्टसुरो यमाधिविबुधो यः कृत्तिकातारकः। यस्य प्रत्यधिदेवता ग्रहपतेः पूज्यः  प्रजानां पति र्नत्वा तच्चरणारविन्दयुगलं प्रार्च्चामि सौरिग्रहम्।। (३) छायागर्भसमुद्भवं रविसुतं नीलप्रभामञ्जुलं क्रूरं काश्यपगोत्रजं ग्रहमणिं कृष्णाम्बरामण्डितम्। भल्लादीन् दधतं वरं प्रददतं गृध्रासनं मन्दगं नत्वाहं नितरां प्रयामि शरणं तं शूद्रजातिं शनिम्।। (४) सौरिः शूरवरस्त्रिशूललसितः शीलेन शौर्यात्मक श्छायासूर्यसुतः सुनीलसिचयो मेघप्रभाश्यामलः। शूद्रो रुद्रसमर्च्चकोतिविकटः स्वद्रिस्वरूपो रुचा सप्तांशुः स शनैश्चरः समवताद...

                           रचयिता                पं.श्रीव्रजकिशोरत्रिपाठी                 ****************** (१) जातं भोजकटे महाग्रहवरं दैत्यार्च्चितं भार्गवं श्वेताङ्गं सितवस्त्रदीप्तवपुषं श्वेताभपुष्पप्रियम् । सर्वज्ञानमयं महासुरगुरुं विप्रं चतुष्कोणिनं  श्रीशुक्रं प्रणमामि दुग्धधवलं तं धीसुखप्राप्तये ।। (२) शुक्लाभो द्विजजातिजो भृगुसुतः शास्त्रप्रियो नैष्ठिकः शक्राप्रत्यधिदैवतोसुरगुरुः श्रीन्द्राधिदेवो मुनिः।  पुष्याजः कमलात्मिकेष्टविबुधो मन्त्री कुलीरोद्भवो नत्वा तच्चरणारविन्दयुगलं प्रार्च्चामि शुक्रग्रहम्।। (३) श्वेताभं मुनिपुङ्गवं भृगुसुतं श्वेताम्बरेणावृतं विप्रं भोजकटोद्भवं शममतिं सुश्वेतपुष्पप्रियम्। दैत्यामात्यवरं महावरकरं निःशेषशास्त्राकरं  नत्वाहं नितरां प्रयामि शरणं शुक्रं महाज्ञानिनम्।। (४) शुक्रः शुक्लनिभोतिशुक्लसिचयः शुक्लाभवस्तुप्रियः शुक्लाम्भोजविभूषितः भृगुसुतः शुक्लप्रसूनान्वितः। शुक्लः शुक्लर...

                            रचयिता                   पं.श्रीव्रजकिशोरत्रिपाठी               ********************* (१) पीतः पीतमहांशुकैर्विलसितः पीतप्रसूनान्वितः पीतालंकरणैर्विभूषिततनुः पीतप्रभामण्डितः। पीताम्भोरुहसुन्दरो द्विजवरः पीताम्बरस्य प्रियः पीताढ्यः स वृहस्पतिः सुरगुरुः पातु प्रवन्दे सदा।। (२) पद्माकारगृहं द्विजातिबृषभं श्रीसिन्धुदेशोद्भवं नानालंकरणैः सुशोभिततनुं शान्तं सुराणां गुरुम् । पद्मं दण्डकमण्डलू विदधतं यज्ञोपवीतान्वितं श्रीजीवं प्रणमामि तं सुफलदं हंसासनं बुद्धिदम् ।। (३) तातो यस्य स चाङ्गिरा मुनिवरस्तारोत्तराफाल्गुनी शक्रप्रत्यधिदैवतोरुणनिभो ब्रह्माधिदेवो गुरुः। श्रीतारेष्टसुरो मरालगमनो यः कन्यकाराशिजो नत्वा तच्चरणारविन्दयुगलं प्रार्च्चामि जीवग्रहम्।। (४) श्रद्धायास्तनयं सुपीतवसनं चाम्पेयशोभान्वितं  पीताभप्रसवप्रियं स्थिरमतिं मुन्यङ्गिरःसंभवम्। मालादण्डकमण्डलूत्तमधरं ब्रह्माधिदेवं द्विजं नत्वाहं नितरां प्र...

                            रचयिता                  पं.श्रीव्रजकिशोरत्रिपाठी                   ***************** (१) आत्रेयं मगधोद्भवं शशिसुतं हारिद्रवर्णान्वितं चापस्थं करवालचर्मगदिनं पीताम्बरैर्भूषितम् । पीताभैः कुसुमैर्विराजित़तनुं शान्तं महापण्डितं  श्रीसौम्यं प्रणमामि तं शरणदं बुद्ध्यादिसंसिद्धये ।। (२) आत्रेयो विधुनन्दनः कनकभो वैश्यो विशाखायुतो विष्णुप्रत्यधिदैवतः सुमतिमान् नारायणाधिप्रभुः। श्यामो वृश्चिकराशिजो हरिरथः श्रीषोडशीष्टामरो नत्वा तच्चरणारविन्दयुगलं प्रार्च्चामि सौम्यग्रहम्।। (३) तारागर्भसमुद्भवं शशिसुतं पीताम्बरेणावृतं दूर्वाश्यामलभं महाबुधमणिं पीतप्रसूनप्रियम्। आत्रेयं हरिवाहनं वरगदाचर्मासिभिर्भूषितं नत्वाहं नितरां प्रयामि शरणं विष्णुप्रियं तं बुधम्।। (४) सूर्यास्यः शशिनन्दनः शममनास्तारासुतो वैश्यजः  सिंहस्यन्दनमण्डनो वरगदाखड्गादिभिः शोभितः। ज्ञानी ज्ञानिगणप्रियः स्थिरमना ज्ञानप्रदः सात्त्व...

                            रचयिता                  पं.श्रीव्रजकिशोरत्रिपाठी                 ******************** (१) स्वर्णाभं त्रिशिखं सुपीतवसनं षल्लोचनं मेषगं नानाभूषणभूषितं द्विजगुरुं यज्ञाङ्गिनं सिद्धिदम्। देवानां वदनं पवित्रसदनं कल्याणरत्नाकरं हव्यामोदहृदं प्रसन्नमनिशं होमाग्निदेवं भजे।। (२) ऊर्द्ध्वास्यं कपिलं जटापरिवृतं स्मेराधरं सुन्दरं श्वेताब्जासनमध्यगं त्रिचरणं शीर्षद्वयाभूषितम्। लोलत्तप्तरसेन्द्रियं सुरवरं शान्तं द्विनासं विभुं नानालक्षणपूरितं सुफलदं वह्निं भजे शाश्वतम्।। (३) सृष्ट्यादौ विधिरूपकोऽवनविधौ विष्णुस्वरूपस्ततो रुद्रात्मा च विनाशने धरति यः प्रीत्या जगच्छान्तये। हस्तेषु प्रविभान्ति यस्य कलशस्रूग्दण्डशक्तिश्रुवा वन्दे तं दुरितान्तकं कुशलदं वह्निं परं दैवतम्।। (४) त्वं सूर्योष्णकरो विधूदयकरस्त्रैलोक्यतेजस्कर स्त्वं रुद्रस्य विलोचनद्युतिकरो दुर्गाद्युतिद्योतकः। लोकस्येष्टकरस्त्रितापहनकः सर्वार्थकामापक स्...

                          रचयिता                  श्रीव्रजकिशोरत्रिपाठी                 ****************** (१) भारद्वाजकुलोद्भवं क्षितिसुतं सर्वाङ्गरक्तद्युतिं रक्ताच्छादनभूषितं सुरनुतं रक्ताभपुष्पप्रियम् । हस्तैश्चर्मगदासिशक्ति दधतं दिव्यं त्रिकोणस्थितं श्रीभौमं प्रणमामि रक्तवदनं प्राप्तुं  सदा सम्पदम् ।। (२) रक्ताभो युवसत्तमोनलसमो वीरो भरद्वाजजो भूमिप्रत्यधिदैवतः क्षितिसुतः स्कन्दाधिदेवः प्रभुः। राजन्यो वगलामुखीष्टविबुधः स्वातीभवस्तौलिजो नत्वा तच्चरणारविन्दयुगलं प्रार्च्चामि भौमग्रहम्।। (३) भारद्वाजकुलोद्भवं क्षितिसुतं रक्तप्रभासुन्दरं मेषस्यन्दनगं प्रकाशभरितं सिन्दूरभावन्दितम्। शक्तं शक्तिधरं करालनयनं रक्ताम्बरेणान्वितं नत्वाहं नितरां प्रयामि शरणं धारापहं मङ्गलम्।। (४) ज्योतिःपुञ्जसमं ज्वलज्ज्वलनभं ज्वाजल्यमानेक्षणं चण्डं दण्डितशत्रुकाण्डमनिशं दोर्दण्डशक्त्यान्वितम्। भूमेः पुत्रवरं कुमारमतुलं वीरग्रहं सुन्दरं  भौमं...

                            रचयिता                     श्रीव्रजकिशोरत्रिपाठी                  ******************* (१) पांशुप्रेमी पटविरहितः पर्वती पावकाक्षः पत्नीसक्तः प्रमथगणपः पार्वतीपुत्रपालः। पापध्वंसी पतितजनताप्राणपाता पिनाकी पृथ्वीपूज्यः प्रभुपशुपतिः पञ्चवक्त्रः प्रपातु।। (२) भीतिं भेत्ता भरितभुवनो भक्तभाग्यस्य भर्त्ता भूदेवेशो भवभयहरो भद्रभारस्य दाता। भस्माभूषो भपतिभरणो भग्नमाराभिमानो भीमोऽभीमो भवतु भगवान् भूतये भावयामि।। (३) शान्ताकारः शिखरिशयनः शीतरश्मेः शरण्यः  शूलीशानः शमनशमनः शंकरः शत्रुमर्दः।  श्यामग्रीवः शिवमयशिवः शेमुषीशीलवर्षी शीघ्रं शम्भुः शमयतु शरीरार्त्तिराशीन्नमामि।। (४) श्रीश्रीकण्ठः शशधरधरः श्वेतरूपः शिखाढ्यः शैलाधीशः शवशयनपः शुद्धशश्वत्स्वरूपः। शक्रासेव्यः शमितदुरितः शासिता शब्दशास्त्रं शीघ्रं शम्भुः शमयतु शरीरार्त्तिराशीन्नमामि।। (५) शुक्लज्योतिः शशिशकलभृद् शण्ढशोभः शिवेशः श्यामा...

                          रचयिता                 श्रीव्रजकिशोरत्रिपाठी               ****************** (१) आत्रेयं यमुनातटस्य तनयं शुक्लाम्बराच्छादितं  शुक्लांशुकरसुन्दरं ज्ञजनकं शुक्लप्रसूनान्वितम् । आधिव्याधिहरं वृतार्द्धसदनं शुक्लप्रियं खेचरं श्रीचन्द्रं शुभकारकं शशधरं भक्त्या नमामि प्रभुम् ।। (२) आत्रेयो यमुनाभवोऽमृतकरश्चोमाधिदेवो विभु स्तोयप्रत्यधिदैवतो वृषभजः श्वेतोनुसूयासुतः। वैश्यः श्रीभुवनेश्वरीष्टविबुधो यो रोहिणीतारको नत्वा तच्चरणारविन्दयुगलं प्रार्च्चामि  चन्द्रग्रहम्।। (३) अत्रेस्तं तनजोत्तमं सुतपसस्तापान्तकं  शान्तिदं त्र्यक्षाग्रोपरिसंस्थितं रजतभं तारापतिं कान्तिदम्। मुक्तास्तोमसमं तमश्चयहरं रात्रीश्वरं शीतगुं नत्वाहं नितरां प्रयामि शरणं चन्द्रं सितांशूज्ज्वलम्।। (४) शान्तं कान्तकरं सुधाकरकरं रात्रीकरं सुन्दरं नक्तंध्वान्तहरं मनोहरतनुं रौप्यप्रभं वर्तुलम्। शुभ्रांशुं कुमुदव्रजोदयकरं पद्मालयासोदरं स्वच्छं शान...

                            रचयिता                   पं.श्रीव्रजकिशोरत्रिपाठी                    --------------------------- ग्रहाधिप्रत्यधीष्टदेवताध्यानम् -: (क) ग्रहाधिदेवताध्यानं प्रार्थना      ********************* (१) शम्भुं भूतपतिं महोदधिसुतां लक्ष्मीं कुमारं प्रभुं विष्णुं विश्वपतिं जलात्मजसुतं श्रीब्रह्मदेवं विभुम्। इन्द्रं स्वर्गपतिं यमं पितृपतिं कालं महाभीषणं ध्यायेत्तान् शुभदान् ग्रहाधिविबुधान् श्रीचित्रगुप्तं सदा।। (२) शम्भुर्ज्ञानततिं हरेः सुगृहिणी वित्तस्य भाण्डं मुदा स्कन्दो दिव्यबलं महागुणगणं विष्णुः स्वयम्भुः सुतान् इन्द्रः प्रेम यमश्च घर्ममथकालश्चित्रगुप्तः सुखं दत्त्वा पान्त्वधिदेवताः सुमनसा नित्यं ग्रहाणां मुदा।। (ख) ग्रहप्रत्यधिदेवताध्यानं प्रार्थना       ************************ (१) अग्निं देवमुखं पवित्रचरिता आपो महाशान्तिदा भूमिं भूतिधरां जगत्त्रयधरं नारायणं वा...

                            रचयिता                   तं.श्रीव्रजकिशोरत्रिपिठी                    ***************** (१) कञ्जाक्षं कलुषान्तकं कलिहरं श्रीकश्यपस्यात्मजं रक्ताभैः कुसुमैर्विभूषिततनुं रक्ताम्बरेणावृतम् । सर्वारिष्टहरं सुवर्त्तुलगृहं सप्ताश्वयुक्तं खगं श्रीसूर्य्यं प्रणमामि तं ग्रहपतिं निर्व्याधिताप्राप्तये ।। (२) आदित्यः शिवदैवतो दिनपतिः श्रीकश्यपस्यात्मजो वह्निप्रत्यधिदैवतो द्युतिकरः सिन्दूरभः क्षत्त्रियः। मातङ्गीष्टसुरेश्वरो मकरजस्ताराधनिष्ठायुतः नत्वा तच्चरणारविन्दयुगलं प्रार्च्चामि सूर्यग्रहम्।। (३) कालिङ्गं करभूषणं कमलिनं कृष्णोदकाकन्यकं कर्त्तारं दिवसं करालकिरणं कालप्रपं काश्यपम्। कह्लारोदयकारकं कलिहरं कैलासनाथप्रियं नत्वाहं नितरां प्रयामि शरणं सूर्यं ग्रहाधिश्वरम्।। (४) पद्मानन्दकरं करैर्विलसितं त्रैलोक्यतेजःप्रदं लोकारोग्यकरं सुमण्डलकरं लोकस्य रक्षाकरम्। ज्योतिःपुञ्जधरं धरासुखकरं सर्वप्रमोदप्रद...

                            रचयिता                 पं.श्रीव्रजकिशोरत्रिपाठी                        *********** (१) आयुर्घस्रकरः शुभं शशधरो वित्तं धरित्रीसुतो ज्ञानं चन्द्रभवः सुबुद्धिनिकरं वाचस्पतिः शान्तिदः। शुक्रः शक्रसुखं शनिः धनखनिं राहुश्च बाहुप्रभां केतू रान्तु हितं नमामि सततं पान्तु प्रमोदान्विताः।। (२) स्वास्थ्यं रविः शशधरो हृदयं पवित्रं भौमो धनं बुधवरः सकलां सुविद्याम्। बुद्धिं गुरुर्भृगुसुतो विभवं शनिः शं राहुर्बलं बहुसुखं वितरन्तु केतुः।। (३) श्रीमद्घस्रपतिर्विशालविभवं रात्रीपतिर्मित्रतां भौमो भूतिततिं बुधः सुचरितं विद्यां सुराणां गुरुः। शुक्रः स्वामिपदं मनोहरतनुं नित्यं शनिः श्यामलो राहुः सर्वबलं सदा गुणगणं केतुश्च दत्त्वावतु।‌। (४) सूर्यः शौर्यगुणं प्रफुल्लवदनं चन्द्रः सुखं मङ्गलः सौम्यः शान्तिततिं गुरुः स्थिरमतिः शुक्रो विशालं कुलम्। आनन्दं च शनैश्चरः प्रतिदिनं राहुः प्रचण्डं बलं केतुः कीर्तिचय...

                            रचयिता                 प,श्रीव्रजकिशोरत्रिपाठी                        *********** (१) सूर्यं चण्डतनुं ग्रहेन्द्रममलं चन्द्रं महाशीतलं भौमं भूतिकरं बुधं बुधमणिं जीवं सुराणां गुरुम्। शुक्रं दैत्यगुरुं कविं रविसुतं छायात्मजं श्रीशनिं राहुं मन्त्रिवरं च केतुनिकरं ध्यायामि ते पान्तु नः।। (२) रविः सुधांशुः क्षितिजो बुधश्च                      वृहस्पतिर्दैत्यगुरुः शनिश्च। राहुश्च केतुः परितृप्तचित्ता             नवग्रहाः पान्तु नमामि भक्त्या।। (३) रक्ताभस्तपनः शशी च धवलो भौमो महालोहितः श्यामो ज्ञो हरिभो गुरुर्विशदभः शुक्रः शनिः कृष्णभः। राहुः कालनिभः प्रमत्तहृदयः केतुश्च धूम्रप्रभः सर्वे तुष्टनवग्रहा बहुकृपां यच्छन्तु वन्दे सदा।। (४) श्रीसूर्यो ग्रहसत्तमो दिनमणिश्चन्द्रो निशाशेखरो भौमो दीप्ततनुर्बुधो हृद...

                            रचयिता                 पं.श्रीव्रजकिशोरत्रिपाठी                  ****************** नवग्रहाणाम् -: नवग्रहान् साधिसुरान् सहाङ्गान्               दूतान्वितान् प्रत्यधिदेवयुक्तान्। आवाहयामि प्रणमामि भक्त्या              ते मण्डलेस्मिन् प्रमुदा विशन्तु।। (१) श्रीरवेः -: आवाहयामि ग्रहराजसूर्यं                   शिवाग्नियुक्तं च सहाङ्गदेवम्। त्वं मण्डलेस्मिन् ससुखं प्रविश्य                  नमामि पूजां सफलं कुरुष्व।। (२) श्रीचन्द्रस्य -: आवाहयामि ग्रहराजचन्द्रम्                    उमाम्बुयुक्तं च सहाङ्गदेवम्। त्वं मण्डलेस्मिन् ससुखं प्रविश्य               ...

                             रचयिता                  पं.श्रीव्रजकिशोरत्रिपाठी                 ******************** (१) मोक्षज्ञानस्वरूपौ सुरगणनमितौ योगिसन्न्यासिसेव्यौ गोपीगोपप्रणम्यौ मुनिमनुजनुतौ गोपदेशस्य भासौ। सर्वब्रह्माण्डपूज्यौ परमगुणयुतौ भक्तवृन्दस्य नाथौ वन्दे तौ मुक्तितत्त्वौ सकुशलमवतां राधिकाकृष्णचन्द्रौ।। (२) मायामोहादिहन्त्री स्फटिकगुणनिभा शुद्धबुद्धिप्रदात्री यः साक्षाद् ब्रह्मरूपं परमसुखमयो मोक्षधामाधिनाथः। तर्त्तुं संसारसिन्धुं सकलबुधजना यत्स्वरूपं स्मरन्ति वन्दे तौ मुक्तितत्त्वौ सकुशलमवतां राधिकाकृष्णचन्द्रौ।। (३) वंशीशब्दातिसक्तौ नवरसरसिकौ नृत्यभङ्गिप्रवीणौ कालिन्दीनीररक्तौ विपिनगृहरतौ गोपिकावृन्दयुक्तौ। आनन्दामन्दकन्दौ रुचिरगुणमयौ रासलीलाविलासौ वन्दे तौ मुक्तितत्त्वौ सकुशलमवतां राधिकाकृष्णचन्द्रौ।। (४) गोपे गोपार्भकैर्यश्चरति नगगिरी गोकुलप्रीतिलिप्तः कैशोरे कामसक्तो भ्रमति वनवने गोपबालालिसङ्गात्। यं ...

                          रचयिता                 पं.श्रीव्रजकिशोरत्रिपाठी                  ***************** (१) चञ्चच्चञ्चुप्रपञ्चातिचतुरचरितप्राणपञ्चत्वदाता तूर्णं घूर्णत्तृणघ्नस्तृणमिव चरणैस्त्राणकर्त्ता नराणाम्। विघ्नौघानां विनिघ्नोतिघनघनतनुर्भग्नकंसाभिमानः सण्डाखण्डातिचाण्ड्यप्रणशनशमनः पातु नित्यं स कृष्णः॥ (२) गन्ता गोपपुरस्य नन्दनिलयं नन्ता शिवं दैवतं श्रान्तार्त्तो नितरां भ्रमन् वनपटे हन्ता महाराक्षसान्। रन्ता सूर्यसुताजले प्रतिदिनं क्षन्ता च कुन्तीसुतान् मन्ता तत्त्वकथां समस्तजगतां तन्तारकं संस्तुमः।। (३) हन्तारं पुतनातृणादिदनुजान् रन्तारमादित्यजां धर्त्तारं स्वरमञ्जुलां सुमुरलीं भर्त्तारमीलावराम्। पातारं सुजनं स्वभक्तनिकरं कर्त्तारमर्थं नवं भेत्तारं वसुदेवजं भवभयं हर्त्तारमार्त्तिं नुमः।। (४) माता कोपवशात् ततो मुखबिलं कृष्णस्य संप्रेक्षते मृन्नास्ति क्षितिमण्डलं च गगनं विभ्राजते सागरः। दृष्ट्वाम्बा चकिता भयेन चलिता तत...